Plantun de Prouvènço

Pèr coumpara dos planto d'encò nostre

Bupleurum fruticosum & Oenothera glazioviana

Lengo-de-cat

Bupleurum fruticosum

Apiaceae Umbelliferae

Àutri noum : Auriho-de-lèbre, Fenoui-de-colo, Taco-bugado.

Noms en français : Buplèvre arbustif, Buplèvre ligneux.

Descripcioun :
La lengo-de-cat es un aubret, souleto Apiaceae coum'acò au nostre, que trachis dins li relarg secarous e cauquié. Si fueio an ges de péu, soun verdalo dessouto, e se ié vèi bèn li costo segoundàri (fotò). Li brout (oumbello) an de 7 à 20 rai. Lou fru, negre un cop madur, porto de costo que se vèson bèn.

Usanço :
Li racino e li fru sarien bon pèr lucha contro lou tussi, l'asme, e pèr ajuda à pissa. Se dis meme que lou fru èro emplega contro li pougnaduro de vipèro.

Port : Aubret
Taio : 1 à 2 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Bupleurum
Famiho : Apiaceae
Famiho classico : Umbelliferae

Ordre : Apiales

Coulour de la flour : Jauno
Petalo : 5
Ø (o loungour) enflourejado : 10 à 12 cm
Flourido : Estiéu

Sòu : Ca
Autour basso e auto : 0 à 1200 m
Aparado : Noun

Liò : Garrigo - Roucaio - Tepiero seco
Estànci : Mesoumediterran
Couroulougi : Estenoumediterranenco
Ref. sc. : Bupleurum fruticosum L., 1753

Rougeto(di-gràndi-flour)

Oenothera glazioviana

Onagraceae

Autre noum : Erbo-dis-ase.

Nom en français : Onagre à grandes fleurs.

Descripcioun :
La rougeto-di-gràndi-flour trachis majamen dins lou limas en ribo d'aigo ounte flouris au printèms, es à dire mai d'ouro que si cousino (coume Oenothera biennis que flouris en estiéu). Se recounèis eisadamen à si petalo mai grando (45 mm), à si boutoun mai prim, sa coulour mai roujo e subretout à soun estigmate en crous, pu long que lis estamino (fotò).

Usanço :
Soun óurigino s'atrouvarié dins un mestissage (ibridacioun) dins un jardin en Éuropo e se sarié espandido dins lou mounde. A li mémi prouprieta que la rougeto, Oenothera biennis.